Қызмет бағыты, міндеттері мен функциялары

АМО қызметі туралы ақпарат

«Қазақстан 2050» даму стратегиясында азаматтардың денсаулығы Қазақстан Республикасы әлеуметтік құндылықтар жүйесінде ерекше орын алып отыр.
Заманауи медицинаның басты бағыттарының бірі медициналық көмек көрсету, тұрғындардың өмірі мен денсаулығын қорғау, әртүрлі апаттардан, авариялардан, сонымен қатар әлемнің көптеген Үкіметтерінің жеке бақылауында тұрған террорлық актілер мен қарулы жанжалдардан туған төтенше жағдайлар кезінде медициналық-санитарлық салдарларды ескерту және жою болып табылады.
70-80 жылдардағы авариялар, апаттар салдарларын жою сараптамасы экстремалды жағдайларда әрекет етуде денсаулық сақтау органдарының мақсатты дайындығын, сонымен қатар төтенше жағдайлар кезінде көп зардап шеккендердің денсаулығы мен өмірлерін сақтау мәселесін шешетін апаттар медицинасы қызметінің құрылу қажеттілігін айқын көрсетті.
Төтенше жағдайларда шұғыл медициналық көмекті сапалы және жедел көрсету мақсатында Қазақстан Республикасы Денсаулық сақтау министрлігінің бұйрығымен 1994 жылғы желтоқсанда Қазақстан Республикасы Денсаулық сақтау министрлігінің Республикалық экстремалдық және медициналық биологиялық мәселелердің ғылыми-тәжірибелік орталығы құрылған болатын, оның атауы 1997 жылы Апаттар медицинасы орталығы болып өзгертілді.
Апаттар медицинасы орталығы Қазақстан Республикасы «Азаматтық қорғау туралы» Заңына, «Халық денсаулығы мен денсаулық сақтау жүйесі туралы» Қазақстан Республикасы Кодексіне, Қазақстан Республикасы Министрлер Кабинетінің 1994 жылғы 27 қыркүйектегі №1068 «Төтенше жағдайларда Қазақстан Республикасының жедел дәрігерлік көмек қызметін құру туралы» қаулысына сәйкес қызмет етеді.
Апаттар медицинасы орталығы қызметінің мақсаты табиғи және техногенді төтенше жайғдайлар аумағында зардап шеккендерге шұғыл медициналық және психологиялық көмек көрсету шараларын жасау арқылы адам өлімін азайту, ЖКО, авариялық-құтқару қызметтері қызметкерлеріне амбулаторлық-медициналық көмек көрсету, аталған қызметкерлерді маманданған психологиялық сұрыптау жасау, апаттар медицинасы жүйесінде денсаулық сақтауды ұйымдастыру және мемлекеттік органдардың өзара әрекет етуі мен байланысуын қамтамасыз ету.
Қазіргі таңда Апаттар медицинасы орталығы төтенше жағдайларды ескерту мен жою бірегей мемлекеттік жүйесіне кіретін мамандандырылған медициналық авариялық-құтқару қызметі болып табылады.
cmk_naprav_kaz140 шұғыл әрекет ететін бригада құрылған.
Төтенше жағдайларда әрекет ету бойынша «АМО» ММ негізгі жедел бірлігі болып Алматы және Өскемен қалаларында, табиғи және техногенді сипаттағы төтенше жағдайларға айтарлықтай душар аймақтарда орналасқан апаттар медицинасы жасақтары белгіленді.
Жасақтар 14 тәулік көлемінде автономды режимде далалық жағдайда шұғыл қолдануға арналған, тәулігіне 200 зардап шеккендерді қабылдай алатын мобильді госпиталдермен қамтылған.cmk_naprav_kaz2
2014 жылы Ақмола, Алматы, Батыс Қазақстан, Жамбыл және Қостанай облыстарында Апаттар медицинасы орталығының филиалдары құрылған болатын, олар бұрын-соңды болмаған, олардың кадрлармен жинақталуы мен жұмыс істеуіне қажетті барлық қажетті құралдармен қамтамасыз етілуі аяқталды.
Осылайша республикамыздың барлық облыстарында төтенше жағдайға үнемі дайын отыратын медициналық ұйымдар қызмет жасап жатыр.
Құрылған бастап қызмет жасап келе жатқан уақыт көлемінде Апаттар медицинасы орталығы Республикамыздың аумағында орын алған ірі көлемді төтенше жағдайлар кезінде зардап шеккен тұрғындарға шұғыл медициналық көмек көрсетуге қатысты. Соның ішінде кейбіреулерін мысалға келтірсек болады.
1998 жылы Ресей Федерациясы қызметкерлерімен бірге «Протон» зымыран тасығышының құлауы кезінде пайда болған медициналық салдарларды жоюға қатысты, ол кезде 20 мыңнан астам адамға медициналық қаралу жүргізілді.
2003 жылы Жамбыл облысы Луговой бекетінде болған жер сілкінісі кезінде госпиталь құрылып 1000-ға жуық адам қабылданды.
cmk_naprav_kaz3Апаттар медицинасы орталығының дәрігерлері Алматы облысы Қызылағаш кентінде бөгеттің бұзылуы, Маңғыстау облысы Жаңаөзен қ. жаппай бұзушылықтар, Көкшетау-Алматы рейсінің апатында қайтыс болғандардың туыс-жақындарына, Қарағанды облысы Көкпекті су қоймасы бөгетінің бұзылуы кезінде, Ақмола облысы Атбасар қ. су тасқыны нәтижесінде зардап шеккендерге, Шығыс Қазақстан және Батыс Қазақстан облыстары аумақтарында орын алған су тасқыны кезінде, сондай-ақ республиканың түрлі аймақтарында болған түрлі төтенше жағдайларда баға жетпес көмек көрсетті.
1998 жылы Орталық қызметкерлері Түркияда орын алған жер сілкінісінде зардап шеккен 280 адамға медициналық көмек көрсетілді.cmk_naprav_kaz4
2009 жылы – Ауғаныстаннан эвакуацияланған Қазақстан Республикасы азаматтарына көмек көрсетті, онда отын құятын көліктің өрттенуі салдарынан 6 адам күйік алған, 2011 жылы – Мысырдағы жанжал аумағынан және Жапониядағы жер сілкінісі кезінде отандастарымызды эвакуациялау кезінде көмек көрсетілді.
Құрылған күнінен бастап Апаттар медицинасы орталығының бөлімшелері 40-тан аса ірі төтенше жағдайда медициналық-санитарлық қамтамасыз етуге белсенді түрде көмек көрсетті, бұл ретте 10 мыңнан аса зардап шегушіге білікті медициналық көмек көрсетілді.
2009 жылы құрылған «АМО» ММ психологиялық қызметі психофизиологиялық зертхана және психологиялық босаңсу бөлмесімен бірге жылдам әрекет ететін қызметтің ажырамас бөлігіне айналды.
Ол зардап шеккен халыққа шұғыл психологиялық көмек көрсету және оны ұйымдастыру, сондай-ақ төтенше жағдайлар салдарларын жоюға қатысатын апаттан құтқару бөлімшелері қызметкерлерінің кәсіби ілестіру міндеттерін шешеді.
2011-2014 жыл аралығында психологтар төтенше жағдайларға 500 аса шығуды іске асырған, 1000 жуық адамға шұғыл психологиялық көмек көрсетілді. Төтенше жағдайлар комитетінің апаттан құтқару бөлімшелері қызметкерлеріне психодиагностикалық және психофизиологиялық тексерулер, тренингтер мен жеке психологиялық консультациялар өткізу бойынша жұмысты белсенді жүргізуде.
Төтенше жағдайлар жүйесі қызметкерлері мен халыққа психологиялық қызмет пен қолдау көрсету үшін «АМО» ММ филиалдарында «Сенім телефоны» ашылды.
Апаттар медицинасы орталығы қызметінің басымды бағыттарының бірі жол көлік оқиғалары кезінде зардап шеккендерге медициналық және психологиялық көмек көрсету жүйесін жетілдіру болып табылады.
Қазақстан Республикасының денсаулық сақтау саласын дамытудың 2011-2015 жылдарға арналған «Саламатты Қазақстан» мемлекеттік бағдарламасына сәйкес көліктік медицина дами бастады.
Мемлекеттік бағдарламаның дамуы аясында 40 күре жолдық медициналық құтқару пункті (КМҚП) құрылды, осылайша жол бойындағы медициналық құтқару пункттерін құру бойынша Мемлекеттік бағдарлама мерзімінен бір жыл бұрын жүзеге асырылды.cmk_naprav_kaz5
Бригадалар медициналық құтқару реанимобилінде оқиға орнына шығуларды іске асыра отырып, күре жолдық пунктінің «жауапты аумағында» тәулік бойы жол көлік оқиғаларында зардап шеккендерге медициналық көмек көрсетеді, сондай-ақ медициналық көмекке өздері жүгініп келген азаматтарға шұғыл көмек көрсетеді.
Жол бойындағы пункттердің жұмыс тиімділігін жоғарылату мақсатында нормативтік құжаттар бекітілді, 112 қызмет тартылды, күре жолдық пункттердің жол полициясы, жол пайдалану қызметтері мен медициналық ұйымдармен өзара хабарласу мен әрекеттесу кестесі белгіленді.
cmk_naprav_kaz6Үш жылғы жұмыс ішінде күре жолдық пункттердің бригадалары жол көлік оқиғаларына 2 мыңнан аса шығуды іске асырды, 7 мың зардап шегушіге медициналық көмек көрсетілді, 2 мың адам аурханаға жеткізілді.
КМҚП-не тегін медициналық көмекке жүгінген азаматтардың 4 мыңнан астам өтініші тіркелді, олардың 200-ден астамы емдеу ұйымдарына жеткізілді.
Бригаданың жол көлік оқиғаларына келу уақыты 20-25 минутты құрайды, осылайша «алтын уақыт» ережесі сақталады: емделуші медициналық көмекті неғұрлым ертерек алса, жазылып кету мүмкіндігі соғұрлым үлкен болады.
Күре жолдық пункттердің жұмысы КМҚП жауапты аумағында жол көлік оқиғалары кезінде өлім-жітімге әкелген оқиғалар санын қысқартуға мүмкіндік берді. Бұл күре жолдық медициналық құтқару пункттерін құру бойынша іс-шаралардың тиімді және уақытылы екендігін айғақтайды.
Апаттар медицинасы орталығы емдеу мекемелерінде құрылған және тұрақты дайындық режиміндегі денсаулық сақтау жүйесінің медициналық құралымдарымен өзара әрекет ету мәселелеріне көп көңіл бөледі.
Апаттар медицинасы қызметі осы жылдар ішінде өз қызмет нысаны және оған ғана тән жұмыс істеу әдістері бар мемлекеттің денсаулық сақтау жеке-дара саласына айналды.
Бүгінгі күні Қазақстан Республикасында құрылған Апаттар медицинасы орталығы қызмет етеді, ол төтенше жағдайларды жою саласындағы медицинаның заманауи халықаралық тәжірибесі негізінде тұрақты даму үстінде.

АМО қызметкерлері «Донор күні» шарасы аясында қан тапсырды

Толығырақ...