Home

Лисаков қаласындағы № 18 мамандандырылған өрт сөндіру бөлімі ғимаратында ТЖ бойынша Бөлім қызметкерлері «Сыбайлас жемқорлықтың алдын алу», «Өрттің шығу қауіптілігі жоғары кезеңде қауіпсіздікті сақтау», «Кәсіпкерлік нысандарын тексеру» мәселелері бойынша дөңгелек үстел ұйымдастырды.

Гарнизонның жеке құрамымен кездесуге «Нұр Отан» партиясы Лисаков қалалық филиалыны төрағасының бірінші орынбасары И.Неявко, кәсіпорын жетекшілері, сондай ақ БАҚ өкілдері шақыртылған болатын.

Ісшара барысында бірінші болып сөз алған Лисаков қалалық ТЖБ басшысы, азаматтық қорғаныс подполковнигі Б. Төртқара, мұндай кездесулер тексерулер барысында пайда болатын көптеген сауалдарды талқылауға мүмкіндік береді деп атап өтті. Сонымен бірге қатысушыларды, өрттің шығу қауіптілігі жоғары кезеңде, қаладағы мекеме және кәсіпорындарда қауіпсіздікті сақтау талаптарымен таныстырды.

«Нұр Отан» партиясы филиалының өкілі «2015-2025 жж. «Нұр Отан» партиясының сыбайлас жемқорлыққа қарсы күрес бағдарламасын» жүзеге асыру бойынша жүргізіліп жатқан жұмыстары жайлы айтып берді.

Дөңгелек үстел қатысушылары сыбайлас жемқорлыққа жол бермеу мақсатында алдын алу шараларын әрі қарай жалғастыру, жаз айларында өрт қауіпсіздігін сақтау керектігін атап өтті. Сонымен бірге жиын қатысушылары, жие кездесіп тұру керектігін тілге тиек етті, себебі мұндай диалогтар мемлекеттік органдар мен жеке кәсіпкерлер арасында түсіністікті нығайтуға өз септігін тигізеді.