21 Kz OVT «Нұр Отан» партиясы Қызылорда облыстық филиалы ғимаратының мәжіліс залында Қызылорда облысы төтенше жағдайлар департаменті Қоғамдық кеңесінің отырысы өткізілді. Аталмыш отырысқа департаменттің Ардагерлер кеңесінің және осы Қоғамдық кеңестің төрағасы Тұңғышбай Ботабаев, «Нұр Отан» партиясы Қызылорда облыстық филиалы қоғамдық қабылдау меңгерушісі Мақсұт Баекеев, Қазақстан Коммунистік Халық партиясының Қызылорда филиалының жетекшісі Талғат Телеубаев, Қызылорда кәсіпкерлік ассоциациясының атқарушы директоры Мырзағали Ермаханов, «Сыр дидары» газетінің бас редакторы Сәкен Алдашбаев, «Сыр дидары» газетінің құрылтайшысы Ағыбай Орынбаев, Қызылорда облысы ТЖД «ӨСжАҚЖҚ» ММ бастығының орынбасары азаматтық қорғау майоры Руслан Малдыбаев, «Оңтүстік өңірлік аэроұтқыр жедел құтқару жасағы» мемлекеттік мекемесінің Кадр жұмысы тобының бас инспекторы Сара Жақанова қатысты.
Кеңес отырысын Қоғамдық кеңестің төрағасы Тұңғышбай Ботабаев алғы сөзбен ашты. Одан соң Қызылорда облысы ТЖД «ӨСжАҚЖҚ» ММ бастығының орынбасары азаматтық қорғау майоры Руслан Малдыбаев «Қызметтегі сыбайлас жемқорлықтың алдын алу және болдырмау» тақырыбында баяндама оқыды. Баяндамада: «Сыбайлас жемқорлықтың алдын алу және болдырмау мақсатында ТЖД «ӨСжАҚЖҚ» ММ іс-шаралар өткізу жалғасын табуда. ТЖД «ӨСжАҚЖҚ» ММ–нің және оған бағынысты мекемелердің жеке құрамына тұрақты түрде сыбайлас жемқорлықтың алдын алу бойынша заңдылықтарды оқыту, азаматтық қорғау органдары ардагерлері, прокуратура, салық органы, Мемлекеттік қызмет істері бойынша департаменті, «Нұр Отан» партиясының, кәсіпкерлер және қоғамдық институт өкілдерінің қатыстырылуымен «дөңгелек үстелдер» ұдайы ұйымдастырылуда....», - деді.
Сонымен бірге «Оңтүстік өңірлік аэроұтқыр жедел құтқару жасағы» мемлекеттік мекемесінің Кадр жұмысы тобының бас инспекторы Сара Жақановаға сөз кезегі беріліп, қызметкерлер арасында сыбайлас жемқорлықты болдырмау жөнінде жұмыстарға тоқталды.
Мұнан соң Қызылорда кәсіпкерлік ассоциациясының атқарушы директоры Мырзағали Ермаханов баяндамашыларға сұрақтар қойып, алдағы уақытта да сыбайлас жемқорлықты болдырмау бағытында жұмысты жалғастыру туралы өз пікірін білдірді. Қоғамдық кеңес отырысына жергілікті бұқаралық ақпарат құралдары өкілдері де шақырылды.
 
Қызылорда облысының ТЖД
Мемлекеттік тіл және ақпарат тобы